Napansin namin na na-spoil masyado mga customer ng internet cafe dahil sa dami ng internet cafe at sa mga shop na nililibre na lang mga services tulad ng mga gantio:
1. paprint, pero kukunin sa email o facebook, pero print lang babayaran
2. paresearch, libre research print lang babayaran
3. pa-scan tapos email, pero scan lang babayaran
4. pa print ng photo, pero libre ang background change o slight editing
5. pa-scan tapos print, pero libre na scan
6. pa xerox, tapos may tatakpan na area, may gugupitin, etc., pero xerox lang babayaran
7. papa print, tapos dami papaedit, libre din editing
8. etc.
Ok lang sana ilibre ang mga ganyang labor KUNG malaki ang charge sa printing at scan. Ang problema, mura na nga printing, nililibre pa ng mga shop yung services na ganyan.
Dumaan din kami sa ganyan pero nung nagpag isipan namin, lugi kami sobra. Marami kaso, mas mahal pa yung labor sa mga yan, kaysa sa pinapaprint, xerox o scan.
Kaya ginawa namin, wala na libre. Mag rent sila kung gusto nila mag edit, no editing na sa counter dahil super abala lang sa mga nagbabayad at ngapaparint. Wala na research o tutorial, magsama sila ng marunong dahil maiiwan ang counter, mananakawan lang kami, nanakawan na kami dati dahil sa assist sa customer.
Kung gusto nila ng convenience, magbabayad sila ng service fee, P30 kahit minor lang gagawin. Pag may nagreklamo na simple lang naman, bakit ang mahal, ang banat namin, simple lang pala, eh dapat ikaw na gumawa, bakit gusto mo kami pa gagawa para sa iyo. Prangkahan na pero mahinahon namin sinasabi yan. Isa lang naman ang tunay na dahilan, dahil tinatamad sila at gusto nila, ituturo na lang at ikaw ang gagawa.
Dapat efficient ang operation sa shop, walang abala na nagpapabagal sa operator lalo na yung mga libre na pag pinagsama sama mo, ang laki ng actual cost mo.